台湾暑假之旅

阔别了达人频道数个月了,刚巧两个小朋友染病入院,要留在医院陪伴他们,所以有很多空闲时间,也不知是好事还是坏事。

相信很多人都到台湾旅游过,有乜特别呀?其实真係无甚特别,只係想係度分享吓今次去过一啲自己认为适合一家大细而又可以比大家影吓靓相嘅地方。

今次主要游走台北同近郊嘅地方。首先係一个係新竹嘅生态渡假旅馆,名为六福庄,旅馆房间面对动物园,当打开窗就可以见到长颈鹿、犀牛、斑马、北非髯羊、环尾狐猴,红鹤等动物。我们的房间正正就是长颈鹿的高度,所以每天黎明时分(係清晨五点几),长颈鹿都会做咗叩窗闹钟。

旅馆后面係另外一个野生动物园,园内有狮子,老虎,不过係冇大笨象嘅。另外仲有黑熊,鸵鸟,小马,野猪等等等等...

隔邻嘅六福村主题游乐园有啲似香港嘅迪士尼加海洋公园,有刺激游戏,又有啲动物睇吓,玩吓玩吓都可以消闲一整天。

新竹之后我们去了宜兰,有两个值得推介嘅地方,一个係国立传统艺术中心,另一个係宜兰国际童玩艺术节。时间许可的话,应该两日都玩唔完。

国立传统艺术中心:

宜兰国际童玩艺术节:

宜兰住宿嘅地方係一间係山上面嘅悠闲渡假农庄,每晚都有一系列嘅活动,例如打木陀螺比赛,整汤圆,放天灯,观星;日间可以上树屋,行独木桥,到果园观光等等等等。

回台北市途中,除咗经过一个类似东平州嘅野柳地质国家公园之外,还途经三芝一个小地方,一个可能好多香港人都去过影结婚相嘅地方,叫石门婚纱广场。虽云叫婚纱广场,但係无须付费,呢度除咗影结婚相靓之外,其实影家庭相,日落相都好正。

回程台北,住上一间奇幻旅馆,其实係汽车旅馆(Motel)。呢度特别之处係每一个房间都有一个主提,我地就住上大力水手同西城故事房间,佢地仲有蜘蛛人,加勒比海盗,屠龙传说等不同特色的房间,室内设计特别外,设备亦齐全,有Sauna同Jacuzzi,同小朋友玩完一整天,回去浸浸亦一乐也。房间的每一个角落亦可作为影Studio相backdrop。可谓一物二用 :p

大力水手房间:

西城故事房间:

希望简单(都几长吓,请见谅)嘅介绍可以帮助大家下次游走台北时可以有一点新体验。

上一篇: 下一篇: